ɲɛfɔli
Suwakilikan na, 'maneno' kɔrɔ ye 'daɲɛw' ye.
Daɲɛ ye fɛn nafanma bɛɛ Sinsinbere ye: Siti bila la sen kan fu, min ye kumaɲɔgɔɲa lajɛjɛkulu ani bulɔgu ye min bɛ bɛn farafina saharayanfan jukɔrɔla bulɔgutigiw magoɲɛnan ma.
Munna bulɔgu lajɛjɛkulu wɛrɛ, Ka sɔrɔ a ɲɔgɔnna caman bɛ ye ka ban? Ɛnterinɛti matarafabaaw, kɛmɛ kɛmɛ saara la, ̣jɛn bɛɛ kɔnɔ, kelen ye farafin ye,olu la tugun kɛmɛ kɛmɛ saara la,bulɔgu tɛ caman bolo. Maneno haminnanko ye k’o gɛlɛyaw kɛlɛ, yɔrɔw la, yɔrɔ minnu na ni bulɔgu lajɛjɛkuluw bɛ gɛlɛya sɔrɔ ɛntɛrinɛti sɔroli n’a teliyaliko la ani ka yɛrɛkɛ cogoya ɲuman ɲini ɛntɛrinɛti kɔnɔfɛnw na ka taa farafinna saharayanfan jukɔrɔla jamanaw kɔnɔ.
Nin poroze in bila la sen kan san baa fila ni segin. Lajɛjɛkulubulɔgu fɛgɛman don, min jujɔnbaw yɛrɛ bɛ baara kɛ n’a ye. A bɛ kɛ sababu ye, gɛlɛya bɛ minnu kan ɛntɛrinmeti sɔrɔli la, olu k’a sɔrɔ nɔgɔya la ka baara kɛ n’a ye. Maneno ka fɛgɛn, a donni ka nɔgɔn, lafiya b’a la, w’a ka telin. Maneno ka fɛgɛɲa kɔfɛ, bulɔgu magoɲɛbaara cogoya ɲuman bɛɛ b’a kɔnɔ. O b'a to, minnu bɛ don jɛkulu in na, olu k’u halaala kɛnɛ sɔrɔ ka kuma lajɛjɛkulu in kɛnɛ kan, walasa u kumakanw kana to yen bilen k’a sababu k’u "tuguli sumayali" ye ɛnterinɛti kan.
Jɛn tilayɔrɔ min kɔnɔ, ni kan 2 000 bɛ fɔ yen, ɲinɛn kɛlen b’o kumaɲɔgɔɲako cogoya kɔwaati dɔw la. I bɛ se ka sɛbɛn kelen sɔrɔ kan caman na maneno kan, u sɔrɔli ka nɔgɔn, bawo, u bɛɛ bɛ ɲɔgɔn kɛrɛ fɛ.Maneno lajɛjɛkulu bulɔgu baarakɛyɔrɔ fana bɛna bayɛlɛma farafina kan caman na, walasa, diŋɛba minnu bɛ kanw ni ɲɔgɔn cɛ,n’olu de bɛ ka caya kɛrɛnkɛrɛnneɲa la Angilɛ sitiw kan, olu diŋɛbaw ka bɔ yen,walasa bɛɛ ka ɲɔgɔn kan sɔrɔ.
An ka baara laɲinin sinsinnen bɛ nin hakilina ninnu kan. Obɛɛ kɔ fɛ, Maneno lajɛjɛkulu donni ye fu ye, w’a b’a wasa don kosɛbɛ sɛbɛnw, jaw ani mankanw na minnu kalifar’a ma. Ni mɔgɔ minnu donn’a la, olu tɛ sɛbɛnni kɛ fu bilen, u b'a sɛbɛn sɛbɛnkalannaw ye.
